John Paul Adams, CSUN
john.p.adams@csun.edu
:
F. Ehrler, "Die kirchenrechtlichen Schriften Peters von Luna (Benedikts XIII.)," Archiv for Literatur- und Kirchen- geschichte 7 (1893), 515-575, at pp. 526-529:
... Utrum pro sedatione, id est cessatione occurrentis scismatis et per consequens pro ea consdquenda, que ad scismatis sublationem [527] sequitur, ecclesiae unione sit necessarium, expediens aut licitum generale concilium celebrari, id est convocari et c(elebrari), que premisi.
Et super istius questionis dubio a principio huius tenebrosi, formidolosi, ac dolorsi scismatis disputatio diversorum et magnorum scio diversas et adversas opiniones fuisse.
Quarum una tenuit, quod pro cessatione s scismatis sit generale concilium celebrandum. Haec opinio a principio multos fauctores et sequaces habuit, sed utriusque partis resistentia impedita, dum in cassum visa, se reffutari cognovit, quasi tedio languens et repulsam, quam passa fuerat, erubescens, multo tempore siluit. — Huius enim opinionis precipui acutores et promotores fuerunt tres antiqui cardinales Italici scilicet dominus Petrus de Corsinis, Portuensis episcopus, dominus Simon de Brosiano tituli Sanctorum Iohannis et Pauli presbiter, et dominus Iacobus de Ursinis sancti Georgii ad Velum Aureum diachonus cardinales, primus Florentinus [died 1405], secundus Mediolanensis [died 1381], tertius de Ursinis [died 1379] vulgariter nominati, qui Romae in conclavi fuerant et ibi gesta communiter noverant, sicut et ceteri cardinales. Isti tres predictam opinionem sequendo, licet a principio post discessum aliorum cardinalium ab intruso, etiam ipsi discesserint et cum ceteris personaliter aliquando convenerint et deinde domino papae Clementi septimo, postea per car[528]dinales in papam electo, aliquamdiu per secretos nuntios et litteras communicaverint: tamen postquam successu temporis predictus dominus papa Clemens cum ceteris cardinalibus recessit ultra montes, ipsi in Ytalia remanserunt, donec alter eorum, scilicet domino Iacobo de Ursinis mortuo, alii duo accedentes ad civitatem Nicie ibi ad obedientiam prefati domini Clementis petita et obtenta venia redierunt. Hii fuerunt in scientia iuris magni, ut pote in iure doctores famosi, specialiter Mediolanensis, qui utriusque iuris doctor egregius fuit, mirabiliter eminentis et extense litteraturae fere in qualibet facultate. Quorum tamen scripta originalia super isto puncto non vidi; quapropter si eorum motiva seriose non referam, veniam mereor, quia ignorans obmisi.
Aliorum et magnorum fuit opinio precedenti contraria, quamvis tripliciter variata, scilicet quorundam, qui in hoc casu, etiam si possit, non tamen oportet nec est necesse generale concilium celebrari. — Huius oppinionis fuit principalis inventor dominus Petrus de Barreria [died 1383] famosus legum doctor et multum in iure canonico doctus, magister in artibus et in theologia valde peritus, qui prius episcopus Eduensis tandem ad cardinalatum per dominum papam Clementem statim post suam electionem cum quibusdam aliis assumptus. Cardinalis Eduensis fuit vulgariter appellatus.
Alii vero dicunt, non expedire nec reputant utile pro tollendo scismate in hoc casu generale concilium celebrari. Huius autem oppinionis precipuus introductor et defensor fuit dominus frater Petrus de Amelio alias Amelii [died 1389], monacus ordinis sancti Benedicti, decretorum doctor famosus et doctus ut plurimum in aliis facultatibus. Qui dum esset abbas sancti Benigni per dominum Gregorium promotus ad archiepiscopatum Ebredunensem, tandem a prefacto domino Clemente in predicta creatione, de qua supra, ad cardinalatum assumptus, inde fuit cardinalis Ebredunensis vulgariter nuncupatus. [530]
Sed alii dicunt non licere nec posse de iure in hoc casu generale concilium celebrari. Et huius oppinionis actor precipuus fuit dominus Petrus Flandrini [died 1381], vir clari et perspicacis ingenii, decretorum doctor scientificus et famosus, qui per dominum Gregorium promotus fuerat ad ecclesiam Vivariensem, sed antequam consecraretur, per ipsum assumptus in diachonum cardinalem. Ab ecclesia diachonali sibi collata, fuit vulgariter cardinalis Sancti Statii {Eustachii] nominatus.
On the manuscripts: F. Ehrler, "Die kirchenrechtlichen Schriften Peters von Luna (Benedikts XIII.)," Archiv for Literatur- und Kirchen- geschichte 7 (1893), 515-575, at p. 519-520 {Ehrler collates Vat. 4124 and Paris 1474).
John Paul Adams, CSUN
john.p.adams@csun.edu