©2011 John Paul Adams, CSUN
john.p.adams@csun.edu
Andreas Thiel (editor), Epistolae Romanorum Pontificum Genuinae Tomus I (Brunsbergae: in aedibus Eduardi Peter 1868), pp. 641-654, at pp. 645-647:
...Symmachus episcopus ecclesiae catholicae urbis Romae dixit: "Concilium dilectionis vestrae neglecta hiemis asperitate sollicitudo nostra pro ecclesiastica indemnitate specialiter congregavit, ut episcopalem ambitum et confusionis incertum vel popularem tumultum, quem per subreptionem diaboli usurpatione aliquorum tempore ordinationis meae constat exortum, communicato pariter tractatu in futurum possimus robuste ac vivaciter amputare. atque ideo caveamus in posterum, ne subversio disciplinae aut audacia praesumentium gestiat tentare similia, et pari adunatione tractemus, expressis scilicet sententiis sancientes, quid circa Romani episcopi ordinationem debeat custodiri." ... [acclamations of approval]
Symmachus episcopus dixit: "Quoniam fraternitas vestra curam provisionis nostrae suis exhortationibus incitavit, et parilem circa Ecclesiae tranquillitatem Dei nostri contemplatione animum praestat, sicut praefati sumus, deliberatione in praesenti habita, quid placeat, ex omnibus vestris informate sententiis, quae in hoc venerabili concilio per ecclesiastica recitentur officia."
Quumque surrexissent et paulo post iterum consedissent, Aemilianus notarius synodi decreta vulgavit:
"Propter frequentes ambitus quorumdam et Ecclesiae nuditatem vel populi collisionem, quae molesta incompetenter episcopatum desiderantium generavit aviditas, ut extinguatur futuris praesumptio tam perniciosa temporibus, constituit sancta synodus: ut is quis presbyter aut diaconus aut clericus, papa incolumi et eo inconsulto, aut subscriptionem pro Romano pontificatu commodare, aut pitacio promittere aut sacramentum praebere tentaverit aut aliquod certe suffragium polliceri, vel de hac causa privatis conventiculis factis deliberare atque decernere, loci sui dignitate vel communione privetur;"
Universa synodus surgens acclamavit: Exaudi Christe, Symmacho vita! dictum decies. Hic pax cum Symmacho! dictum quindecies. Cujus sedem et annos! dictum octies.
"pari severitate feriendo eo, qui hoc vivo, sicuti dictum est, Pontifice quolibet modo fuerit ambisse convictus aut certe tentasse, omnibus pariter hujus culpae reis anathematis poena plectendis."
Symmachus episcopus dixit: Ergo universitati placet et ab omnibus recognoscitur vel probatur ista sententia? Universa synodus dixit: Placet, et quod omnibus placet, fiat!
"Si, quod absit, transitus papae inopinatus evenerit, ut de sui electione successoris, ut supra placuit, non possit ante decernere, siquidem in unum totius inclinaverit ecclesiastici ordinis electio, consecretur electus episcopus. Si autem, ut fieri solet, studia coeperint esse diversa eorum, de quibus certamen emerserit, vincat sententia plurimorum, sic tamen, ut sacerdotio careat, qui captus promissione, non recto judicio de electione decreverit."
Synodus dixit: Placet! dictum est decies.
"Propter occultas autem fraudes et conjurationum secretas insidias, quas hujus sententia districtionis consequitur, si quis ad ecclesiasticam pertulerit notitiam consilia eorum, qui contra hanc synodum de pontificali egerint ambitu, et rationabili probatione convicerit participes actionis hujusmodi, non solum purgatus ab omni culpa sit, sed etiam remuneratione, quae non indigna sit sublevetur."
Universa synodus surgens acclamavit Placent omnia! ... [more acclamations]
Symmachus episcopus ecclesiae catholicae urbis Romae dixit: Acclamationes vestras synodique judicium praesentia gesta suscipient. Et adjecit: ea, quae ad sopiendos veternosae praesumptionis errores vel infensae rebus ecclesiasticis aegritudinis morbos, quibus universalis afficiebatur Ecclesia, deliberatio religioni congrua pacique constituit, firmitatem perpetem sortientur, ut praestante Deo, quem custodem rerum omnium constat bonarum, synodalis ordinatio vigeat, atque omnes sine personae alicuius distinctione constringat. Contra quam si quis sub qualibet occasione venire praesumpserit, indicta superius districtione plectetur.
[Subscriptions follow]
J. D. Mansi (editor) Sacrorum Conciliorum Nova et Amplissima Collectio Tomus VIII (Firenze 1762), 229-238.
This legislation did not become obsolete or forgotten. It is quoted in the 11th century by Manegold in his treatise written to Gebehard, Archbishop of Salzburg, in defense of Gregory VII [MGH Libelli, Libelli de lite I, pp. 387-388]. It appears in Gratian, Si quis Papa, c. 2, Dist. 79 {Patrologiae Latinae Cursus completus Tomus 187, column 380). Gratian's chapter is used by Henricus Bartholomaei de Segusio (Hostiensis) in his Aurea Summa (Coloniae 1612), Liber I: de electione et electi potestate, §18, column 106.
A. L. Richter (editor), Corpus juris canonici Pars I (Lipsiae 1839) columns 237-238. And see: Joseph Catalano, Sacrarum Caeremoniarum sive rituum ecclesiasticorum Sanctae Romanae Ecclesiae libri tres, ab Augustino Patricio ordinati, et a Marcello Corcyrensi Archiepiscopo primum editi, nunc vero tandem in duos tomos distributi, ac innumeris pene mendis purgati, et commentariis aucti Tomus I (Romae 1750), p. 2. Caeremoniale, continens ritus electionis Romani Pontificis Gregorii Pape XV (Venetiis 1799), p. 1. The language is repeated in the Bull of Paul IV, Cum secundum Apostolum (December 16, 1558) [Bullarium Romanum (Turin edition) Volume 6, p. 545], and was still in force in 1798, when Pius VI temporarily suspended it in his Bull Quum nos superiore anno.
And see also the Constitution of Pope Nicholas II: CJC, Decreti Prima Pars, "Si quis pecunia", c.9 Dist. 79 [Richter (editor), Corpus juris canonici Pars I (Lipsiae 1839) column 239}:
Si quis pecunia vel gratia humana, vel populari seu militari tumultu, sine concordi et canonica electione ac benedictione cardinalium episcoporum, ac deinde sequentium ordinum religiosorum clericorum fuerit apostolicae sedi inthronizatus, non Apostolicus sed apostaticus habeatur, liceatque cardinalibus episcopis cum religiosis et Deum timentibus clericis et laicis invasorem etiam cum anathemate et humano auxilio et studio a sede apostolica repellere, et quem dignum iudicaverint praeponere. Quod si hoc intra Urbem perficere nequiverint, nostra auctoritate apostolica congregati in loco, qui eis placuerit, eligant quem digniorem et utiliorem apostolicae sedi perspexerint, concessa ei auctoritate regendi et disponendi res et utilitatem sanctae Romanae ecclesiae, secundum quod ei melius videbitur, iuxta qualitatem temporis, quasi iam omnino inthronizatus sit.
©2011 John Paul Adams, CSUN
john.p.adams@csun.edu