---

---

---

---

Berger de Xivrey (editor), Recueil des lettres missives de Henri IV Tome VI, 1603-1606 (Paris: Imprimerie Impériale 1853), pp. 375-376:

 

Henri IV, King of France, to Cardinal de Joyeuse:

(Paris, March 16, 1605)

A  MON COUSIN LE CARDINAL DE JOYEYSE,  PROTECTEUR DE MES AFFAIRES EN COURT DE ROME.

 

Mon Cousin,  

Je n’ay rien à vous dire de nouveau sur la mort du Pape, de laquelle vous m’avés adverty avec mon ambassadeur par vostre lettre du iii de ce mois [March 3, 1605]; car je vous ay dict et escript clairement mes intentions et fins, auxquelles je persiste constamment, et remets et confie entierement à vous l'execution et conduite d'icelles. J` ay seulement à vous dire sçavoir que le cardinal Aldobrandin m’a escript une lettre et faict dire despuis la mort du Pape par le nonce, ce que je mande presentement à mon ambassadeur vous faire entendre; ce que je desire que vous mettiés en consideration, affin que nous ne perdions l'occasion d' obliger et joindre à nous tout à faict le dict cardinal Aldobrandin, puisqu’il s' y offre si librement qu'il fait. Servés y moy donques avec vostre affection et prudence accoustumée. Je vous recommande sur toutes choses le cardinal de Florence, et aprés luy ceux sur lesquels vous sçavés que nous avons jetté les yeux. Quant aux promesses faictes aux cardinaux Bevilaqua, Delfini et Buffalo, tant pour eux que pour leurs parens, asseurés-vous qu'elles seront accomplies et observées en toutes leurs parties, sans qu’il y ayt aulcun menagement, et vous prie d’en respondre pour moy comme vous jugerés qu'il sera necessaire. J’ay aussy receu vos deux lettres du xxiii du mois passé [February 23, 1605], auxquelles je ne feray pour le present plus particuliere response : priant Dieu, mon Cousin, qu'il vous ayt en sa saincte garde.

Escript à Chantilly, le xvi jour de mars 1605.

HENRY.

DE NEUFVILLE.

---

Pope Clement VIII had died on March 5, 1605, but the news was not known at the French court until March 13 [Champollion-Figeac, Mémoires et registre-journal de Henri IV, 383-384].

The text printed in italics was originally written in cipher.

 

 

---

---