©2011 John Paul Adams, CSUN
john.p.adams@csun.edu
Augustinus Theiner (editor), Caesaris S. R. E. Cardinalis Baronii, Od. Raynaldi et Jac. Laderchii Annales Ecclesiastici Tomus Vigesimus Septimus 1397-1423 (Barri-Ducis: Ludovicus Guerin 1874) 311-312 :
Sic igitur domini cardinales numero XVII fuerunt in dicto conclavi usque ad diem Sabbati inde sequentis videlicet XVII mensis Maii. Qua adveniente, inter et X et XII horas, praefatus reverendissimus in Christo pater et dominus Baldassar S. Eustachii sanctae Romanae Ecclesiae diaconus cardinalis legatus et vicarius generalis Bononiensis in dicto conclavi et de numero dictorum XVII existens in summum Pontificem concorditer extitit electus, sicut ipsi domini cardinales toti orbi nuntiare verbo et scriptis curaverunt, et in Ecclesia Bononiensi more solito statim per eos inthronizatus, qui Joannes XXIII voluit nominari. Et in crastinum coram eo dominis cardinalibus, qui in conclavi fuerunt, praesentibus, predictus dominus Ostiensis missam in Pontificalibus solemniter celebravit, ipso in capella magna dicti palatii Apostolici Bononiensis in cathedra, in statu et habitu papalibus existente. Deinde sequenti die Sabbati, quae fuit XXIV dicti mensis Maii, in presbyterum per dictum dominum Ostiensem ordinatus extitit, et die Dominica sequenti XXV ejusdem mensis fuit per eumdem dominum Ostiensem consecratus in Ecclesia S. Petronii Bononiensis, et demum, ante et extra dictam Ecclesiam in scadafalco ligneo alto et eminenti, missa prius post dictam consecrationem per eum dicta sive celebrata, per dictum dominum de Brancaciis primum diaconum cardinalem, absente praedicto domino de Saluciis, publice et solemniter coronatus extitit. Post quam quidem coronationem, in statu et habitu papalibus, comitantibus ipsum dictis dominis Cardinalibus, multis praelatis, nobilibus et civibus Bononiensibus et aliis sine numero, honorifice et solemniter per civitatem Bononiensem more solito equitavit, et demum ad palatium rediit Bononiense.
Who this Petrus Tillius is, is a matter of conjecture. Only Rainaldi knows his name, and speaks of his manuscripts. Blumenthal, Zeitschrift für Kirchengeschichte 21 (Gotha 1900), 513-515. Could he have been a scriptor or abbreviator in the Vatican Library at some earlier point, who made notes from manuscripts that Rainaldi could not locate?
©2011 John Paul Adams, CSUN
john.p.adams@csun.edu