Heinrich Finke, Acta Aragonensia. Quellen zur deutschen, italianischen, franzosischen, spanischen, zur Kirchen- und Kulturgeschichte aus der diplomatischen Korrespondenz Jaymes II. (1291-1327) (Berlin und Leipzig 1908)  no. 241, pp. 359-360:

 

 

Excellenti et magnifico principi domino Jacobo Dei gratia regi illustri Aragonum, Valencie, Sardinie et Corsico comitique Barchinonensi ac sancte Romane ecclesie vexillifero, ammirato et capitaneo generali, amico nostro carissimo, Napoleo miseracione divina sancti Adriani diaconus cardinalis cum sincera dilectione salutem et felicium successuum incrementa.

Serenitatis vestre litteras, qua decuit, affeccione recepimus et ipsarum tenorem intelleximus diligenter. Ad quas magnitudini vestre duximus respondendum, quod nos et homines domus nostre serenissimo principi domino Frederico Dei gracia regi Romanorum illustri eiusque domui ab antique fuimus et nunc sumus in benivolentie et amicitia specialiter coniuncti suamque et domus sue affectavimus et affectamus exaltacionem et promotionis augmenta. Et ad manutenendum et promovendum statum ipsius intendimus pro posse impendere auxilium et iuvamen. Verum quia super hoc regia nobis precamina porrexistis nos eo libentius et efficacius animamur et inducimur ad premissa, quo vobis tanquam specialissimo amico nostro desideramus et semper desideravimus complacere. Noscat igitur serenites vostra, nos pro prefato domino [Romanorum rege in eius exequendis comodis promptos existere, ita quod nostre voluntatis affectus ad honorem suum et vestrum loco et tempore per effectum debitum Deo dante operibus apparebit.

Dat. Valentie die XIII. Aprilis.

 

 

 

---