:

Stephanus Baluzius [Étienne Baluze], Vitae Paparum Avinionensium Volume 2 (Paris: apud Franciscum Muguet 1693), columns 846-848:

Universis Christi fidelibus miseratione divina Episcopi, Presbyteri, et Diaconi sanctae Romanae Ecclesiae Cardinales salutem in Domino sempiternam.

Speculatores a Domino Deo Sabaoth quanto post Romanum Pontificem sumus in altiori specula constituti, tanto vigilantius et solertius denuntiare debemus et detegere cunctis fidelibus imminentia animarum pericula hostilesque versutias et incursus. Cum itaque, ut a certo dedicimus, seductor ille Bartholomaeus olim Barensis Archiepiscopus, se falso Papam nominans, velut alter Antichristus, jam dudum miserit ad diversas mundi partes quosdam pseudoprophetas, quos ipse solus sibi constituit Cardinales, et nonnullos alios suae nequitiae defensores, ut suasibus famsis et dolosis suggestionibus Christianum populum a veritate seducant et in ipsorum animarem damnationem perpetuam eidem apostatico faciant adhaerere, et propterea sanctissimus in Christo Pater Dominus noster Clemens papa VII. more boni pastoris cupiens hujusmodi fraudibus obviare de nostro consilio plures ex Reverendissimis Patribus sanctae Romanae Ecclesiae Cardinalibus necnon ex venerabilibus Patribus Archiepiscopis, Episcopis, et aliis inferinribus Praelatis magnae auctoritatis et scientiae viros de veritate intrusionis dicti Bartholomaei et electionis canonicae dicti Domini nostri Clementis habentes tam in jure quam in facto notitiam pleniorem ad diversa mundi climata, ut populum de praemissis instruant, duxerit destinandos, nos attendentes quod post ipsum sanctissimum Dominum nostrum Clementem ad nullos alios pertinet quam ad nos ejusdem Ecclesiae Cardinales denuntiare fidelibus quis sit Papa et pro vero Papa reputetur, nec adeo quibuslibet aliis sicut nobis in hac parte sit credendum, universitatem vestram attentius deprecamur et obsecramus in Domino Iesu Christo quatenus pro vestrarum animarum salute eidem Domino Clementi, quem nos cum eo existentes collegialiter, et quem nos etiam alii per eum, ut praemittitur, destinati, singulariter verum Dei vicarium credimus, dicimus, et tenemus, prout etiam nobiscum tenuerunt, dum vitam ducerent in humanis, bonae memoriae Domini Aegidius Tusculanensis [Aegidius (Gilles) Aycelin de Montaigu (died December 5,1378)] et Johannes Sabinensis [Joannes de Blandiaco (Jean de Blauzac) (died July 6, 1379)] Episcopi ejusdem sanctae Romanae Ecclesiae Cardinales, in hac fidei constantia et unitate sanctae Romanae Ecclesiae decesserunt, tanquam vero Christ vicario, patri et pastori eorundem animarum vestrarum, obedientiam et reverentiam exhibeatis et faciatis quantum in vobis fuerit ab aliis exhiberi, ejusque minitis et mandatis obediatis et faciatis ab aliis obediri, ita quod ipse vos dilectionis filios vosque eum per consequens patrem invenisse benivolum gaudeatis, et insuper ejusdem Domini nostri nuntios et Praelatos, quos propterea ad partes vestras declinare contigerit, suscipiatis efficaciter commendatos, et ipsos proseuqamini favoribus opportunis, ut exinde apud Deum crescatis meritis, vestraeque devotionis et fidei sinceritas potioribus valeat laudibus commendari. In quorum testimonium praesentes literas fieri fecimus et sigillorum trium priorum nostri collegii Cardinalium, ut moris est, appensione muniri.

Datum Avinioni vicesima quarta die mensis Augusti, Indictione secunda, pontificatus ejusdem sanctissimi in Christo Patris et Domini nostri Domini Clementis Papae septimi anno primo.