Stephanus Baluzius [Étienne Baluze], Vitae Paparum Avinionensium Volume 1 (Paris: apud Franciscum Muguet 1693) column 1286:

Sequuntur nomina eorum quos dicti ambaxiatores primitus habuerunt et examinaverunt apud Avenionem. Cardinalis Lemovicensis, Cardinalis sancti Eustachii, Cardinalis Vivariensis, Cardinalis sancti Angeli, Majorismonasterii, de Vernio, de Britannia, Cardinalis Cusentinus, Cardinalis Pampilonensis, Cardinalis Glandatensis, Patriarcha Constantinopolitanus, Camerarius secundi electi, Archiepiscopus Neapolitanus, Episcopus Cathaniensis, Episcopus Valentinus olim Marsiliensis, Episcopus Firmanus, Episcopus Grassensis, Generalis Minorum, Poncius Berardi, Gilbertus, Ioannes de Baro, Bonifacius de Amanatis, Aegidius Bellemeri, frater Nicolaus Aymerici, Guido de Pruinis, Bindo Prior sanctorum, Petrus Rostagni, Ioannes de Lodon, Thomas auditor Domini Mediolanensis, Bernardus de Virididuno, frater Bartholomaeus procurator ordinis Carmelitarum.

Baluzius, column 1289: ... fratris Angeli generalis Minorum...

 

Stephanus Baluzius [Étienne Baluze], Vitae Paparum Avinionensium Volume 1 (Paris: apud Franciscum Muguet 1693) columns 1453-1454:

[Letter of Frater Angelus, Vicarius Generalis Ordinis Fratrum Minorum to King John of Castile, May 29, 1380]

... Item, antequam ego accederem ad capitulum generale ordinis nostri Neapolim celebratum ivi Tallacotium ad videndum Dominos Cardinales Italicos, videlicet Florentinum [Pietro Corsini], Mediolanensem [Simon de Borsano], et Dominum Iacobum de Ursinis: quibus narravi accessum meum ad capitulum generalis, eisque placuit, quantum potui judicare. Imo promisi Domino Iacobo de Ursinis, quantum erat mihi possibile, procurare quod esset protector ordinis nostri; et judicio meo libenter voluit et audivit ....

 

Stephanus Baluzius [Étienne Baluze], Vitae Paparum Avinionensium Volume 1 (Paris: apud Franciscum Muguet 1693) columns 1106-1107:

dicit quod audivit dici a pluribus et est communis fama quod Domini Cardinales qui fuerunt in urbe pro illo tempore scripserunt multis Principibus mundi et aliis Dominis quod elegerunt Dominum Barensem in verum Papam; et audivit consequenter quod hoc fecerunt timore potius quam amore, requisiti per dictum Urbanum et Officiales populi Romani. Et specialiter recordatur de Domino Gebennensi, qui nunc est Papa Clemens, quod scripserit, ut audivit, Domino Galeato, et audivit id de Domino de Luna, tamen nescit cui. Et addit quod Dominus de Santo Eustachio dixit isti qui loquitur: 'Bene scio de me ipso quod nunquam scripsi Domino nec nemini ipsum esse Papam.' Et hoc audivit anno elapso proxumo in Avinione de mense Augusti vel Septembris.

 

Stephanus Baluzius [Étienne Baluze], Vitae Paparum Avinionensium Volume 1 (Paris: apud Franciscum Muguet 1693) column 1454:

[about Queen Johanna of Sicily and Urban VI's enmity toward her]

[respondit se scire} ipsam esse hostem publicam et apertam dicti Barensis, sed utrum ex causa tacta in articulo, hoc ignorat. Audivit tamen dici quod dicta Domina Regina, antequam esset hostis publica dicti Barensis, voluit scire a Domino Iacobo de Ursinis olim Cardinali, ipsumque viva vocis oraculo requisivit in castro Ovi, ubi dicta Regina morabatur, ipsumque adjuravit omni modo sibi possibili coram suo consilio si Barensis erat verus Papa. Qui Dominus Cardinalis respondit sibi in fide qua tenebatur sibi, et nescit sub quibus aliis juramentis, quod dictus Barensis non erat Papa. Et ex tunc Regina est effecta publica persecutrix praedicti Barensis.

 

Stephanus Baluzius [Étienne Baluze], Vitae Paparum Avinionensium Volume 1 (Paris: apud Franciscum Muguet 1693) column 1036:

[Letter of Frater Angelo de Spoleto, Minister General of the Order of Friars Minor, to the King of Castile, May 29, 1380]

Item, audivi a Domino Stephano Doctore quondam secretario dicti Bartholomaei quondam Barensis, qui nunc est Neapoli, et ex conscientia ab eo recessit, quod dictus Bartholomaeus habebat sigilla materialia Regum Boemiae, Ungariae et aliorum Principum multorum et Dominorum et Domini Cardinalis Cusentini, cum quibus dicto Domino Stephano praesente falsas litteras componebat, et ostendebat recipere novos cursores, et sic Romanum populum festivabat. Et addis quod per manus ejus fuit falsificatum testamentum Cardinalis de sancto Petro.

 

---

See Konrad Eubel, OFMConv., Die avignonesische Obedienz der Mendikanten-Orden (Paderborn 1900), pp. vii, xi, 24.