The Cardinal of S. Maria Nova

(1145)

Bullarium Lateranense (1727) pp. 28-29 [JL 8729]:

Eugenius Episcopus, servus servorum Dei, dilectis filiis Petro Priori S. Frigdiani, ejusque fratribus tam praesentibus quam futuris, regulariter substituendis in perpetuum.

Ad hoc universalis ecclesiae cura nobis a Provisore omnium bonorum Deo commissa est, ut religiosas diligamus personas, et beneplacentem Deo religionem, studeamus modis omnibus propagare. Nec enim Deo gratus aliquando famulatus impenditur; nisi ex charitatatis radice procedens, a puritate religionis fuerit conservatus. Oportet igitur omnes Christianae fidei amatores religionem diligere, et venerabilia loca cum ipsis personis divino servitio mancipatis, attentius confovere, ut nullis pravorum hominum inquietentur molestiis vel importunis angariis fatigentur.

Aimericus siquidem bonae memoriae S. R. E. Canc. et Ecclesiae B. Mariae Novae Diac. Card. fratres vestros ad eandem Ecclesiam convocavit, et de bonis sibi a Deo praestitis ad eorum necessitatem, et sustentationem honeste providit, ut per eos videlicet ibidem religio statuatur, et locus ipse tam temporaliter quam spiritualiter eorum studio auxiliante Domino augeatur.

Ne igitur sanctum ipsius propositum immutari vel perturbari in posterum debeat, praedecessorum nostrorum felicis memoriae Celestini et Lucii vestigiis inhaerentes, statuimus ut Diaconus Cardinalis quod pro tempore ibidem ordinatus fuerit de conventu S. Frigdiani, si idoneus ibidem repertus fuerit, assumatur. Si forte (quod absit) ibidem reperiri non poterit, de alio regulari Collegio vocetur et ordinetur. Ordinatus autem, cum fratribus ipsius ecclesiae communiter vivat, quod si facere noluerit, tertiam partem de omnius redditibus antiquae haereditatis illius Ecclesiae, quae est posita in Valerano et Galera sibi in suos usus accipiat. Caetera vero que regulares fratres ipsius Ecclesiae in praesentiarum juste et canonice possident, aut in futurum rationabilibus modis Deo propitio poterint adipisci. Firma eis et illibata permaneant, salva in omnibus Apostolicae Sedis auctoritate.

Si qua igitur in futurum Ecclesiastica secularisve persona hujus nostrae constitutionis paginam sciens contra eam temere venire temptaverit, secundo tertiove commonita, si non satisfactione congrua emendaverit, potestatis honorisque sui dignitate careat, reamque se divino judicio existere de perpetrata iniquitate cognoscat, et a Sacratissimo Corpore ac Sanguine Dei et Domini Redemptoris nostri Jesu Christi aliena fiat, atque in extremo examine districtae ultioni subjaceat. Observantibus autem sit pax Domini nostri Jesu Christi, quatenus et hic fructum obnae actionis percipiant, et apud districtum judicem, praemia aeternae pacis inveniant. Amen. Amen.

Ego Eugenius Catholicae Ecclesiae Episcopus.
Ego Conradus, Sabinensis Episcopus.
Ego Theodovinus Episcopus S. Ruffina.
Ego Petrus Albanensis Episcopus.
Ego Thomas, presbiter Cardin. titu. S. Vestinae [sic!].
Ego Gilibertus, presbyter Card. titu. S. Marci.
Ego Guido presbiter Card. titu. SS. Laurentii et Damasi.
Ego Julius presbiter Card. titu. Sancti Marcelli.
Ego Ubaldus presbiter Card. titu. S. Crucis in Hierusalem.
Ego Guido presbiter Card. titu. S. Pastoris [sic!].
Ego Gregorius Diacon Card. Sanctorum Sergii et Bacchi.
Ego Guido Diac. Card. SS. Cosmae et Damiani.
Ego Joannes Diac. Card. Sanctae Mariae Novae.
Ego Bernardus S. R. E. Diac. Card.

Dat. apud Civitatem Castellanam, per manum Roberti S. R. E. presbiteri Card. et Cancell. Nonis Aprilis. Indictione VIII. Incarnationis Dominicae anno MCXLV. Pontificatus vero Domini Eugenii III Papae anno primo. [April 5, 1145]

"Fratrum S Frigdiani Lucensium privilegium confirmat, ut ex eorum numero diaconi cardinales S. Mariae Novae sumantur." -Jaffé

The privilege is repeated in a bull of Pope Alexander III, signed at Anagni and dated December 21, 1160 [Bullarium Lateranense (1727), pp. 41-42; JL 10637 (7150)].

The successor of Cardinal Aymeric [Zenker, pp. 142-144] was Cardinal Iohannes (Giovanni), Can. Reg. of S. Frediano di Lucca (subscribes January 1, 1144-January 24, 1152), Nephew of Lucius II [Zenker, pp. 144-145]

The successor of Cardinal Iohannes was Cardinal Hieronymus. (1166-1167) [Brixius, p. 62 and p. 120 n. 155]. He is claimed as a Canon of S. Frediano of Lucca, but there is no positive evidence.

Cardinal Hieronymus was succeeded by Cardinal Matthaeus (1178-1182) [Brixius, p. 64 no. 19, and p. 123-124 n. 165]. His attachment to S. Frediano is unattested.

The successor of Cardinal Matthaeus was Cardinal Albinus [JL 14716; Ciaconius-Olduin I, 1113] (1182 - ? ), whose successor was Cardinal Bernardus.

J. M. Brixius, Die Mitglieder des Kardinalkollegiums von 1130-1181 (Berlin 1912). Barbara Zenker, Die Mitglieder des Kardinalkollegiums von 1130 bis 1159 (Würzburg 1964).