---

---

---

---

Berger de Xivrey (editor), Recueil des lettres missives de Henri IV Tome VI, 1603-1606 (Paris: Imprimerie Impériale 1853),  p. 348:

 

Henri IV, King of France, to the Grand Duke of Tuscany

(February 5, 1605)

A MON ONCLE LE GRAND DUC DE TOSCANE [Ferdinand de' Medici].

 

Mon Oncle,  

Je vous ay promis, advenant un siege vacant, vous confier mes intentions, entendre les vostres, et joindre ensemble nos conseils et nos moyens pour advancer et promouvoir au pontificat un subject de la bonne volonté duquel nous ayons toute occasion de bien esperer, tant pour l' advancement de la gloire de Dieu et la conservation de l'autorité et liberté du dict Sainct Siege, que pour le commun bien de nos affaires, lesquelles sont liées et conjoinctes ensemble par tant de sortes d’interests et considerations, que les unes ne peuvent avoir bien ne mal que les aultres ne s’en ressentent grandement. J’ay doncques commandé à mon ambassadeur vous envoyer la presente, vous faire entendre les commandemens que je luy fais sur ceste occasion, prendre vostre·c0nseil et se fortifier de la creance et des moyens que vous avés en ce Sacré College pour l’execution d’ice-luy. Au moyen de quoy je vous prie adjouster pareille foy à ce qu‘il vous fera sçavoir de ma part comme si c’estoit à moy-mesme, et l'assister librement de vos bons records et des moyens qui despendent de vous: et vous aurés pareille part au bien qui en succedera que j’auray moy-mesme, qui prie Dieu, mon Oncle, quiil vous ayt en sa saincte et digne garde.

Escript à Paris, le v jour de fevrier 1605.

HENRY.

DE NEUFVILLE.

 

 

 

 

---

---