Edmundus Martene et Ursinus Durand, Thesaurus novus anecdotorum Tomus II (Parisiis 1717), columns 1274-1276:

In nomine Domini. Amen.

Anno a Nativitate Domini millesimo quadringentesimo quarto, indictione duodecima, die Martis, decima quarta mensis Octobris, Apostolica Sede Vacante, congregati et ad invicem collegialiter adunati infra scripti reverendissimi in Christo patres et domini sacro-sanctae Romanae Ecclesiae cardinales, videlicet Angelus tituli S. Laurentii in Damaso Florentinus, Franciscus S. Susannae Monopolitanus, Henricus S. Anastasiae Neapolitanus, Cosmacus S. Crucis in Jerusalem Bononiensis, Christophorus S. Cyriaci Ifarniensis, Antonius S. Ceciliae Aquilegiensis, et Angelus S. Potentianae Laudensis presbyteri, necnon Rainaldus S. Viti in Macello de Brancasiis ac Landulphus S. Nicolai in carcere Tulliano Berensis vulgariter nuncupati diaconi cardinales, in capella communi sacri palatii apostolici intra conclave, quem pro loco idoneo elegerunt, et etiam deputaverunt, in praesentia mei Johanelli de Risis de Neapoli clerici praefatae capellae, et aliorum notariorum et testium infra scroptorum, considerantes et in eorum mentibus digestis meditationibus revolventes, quae, quot, et qualia scandala, pericula et discrimina tam in spiritualibus, quam etiam in temporalibus sanctae Romanae Ecclesiae omnibus Christi fidelibus titodemque terrarum orbi ex nefandissimo, horribili et detestando schismate, dui, proh dolor, nunc vigente, hactenus provenerunt, et in futurum possent, nisi salubrius occurratur remediis, verisimiliter pejora obvenire. Idcirco praelibati reverendissimi patres et domini sic ut praedicitur, collegialiter congregati, universaliter singuli et singulariter universi, volentes, quantum eis de praesenti videtur possibile, circa praedicta salubriter providere, omni modo, via, jure et forma quibus melius, utilius, et efficacius potuerunt, primo Deo, ejusque Matri Virgini gloriosae, ac sanctis Petro et Paulo, atque toti caelesti curiae voverunt, et promiserunt, ac etiam unus alteri, et alter alteri ad invicem se solemniter obligando, nemine discrepante, promiserunt et convenerunt sub eorum fide et conscientia, quid si per Dei gratiam aliquem ex praefatis dominis per eos in futurum summum pontificem eligi contigerit, ille talis ex eis qui sic electus erit, quantocius commode fieri poterit, omni tergiversatione ac dilatione, ac alia quacumque occasione omnino cessantibus et remotis, omni modo, via et forma, quibus effectualiter poterit, et sollicite procurabit, et operas sollicitas et efficaces sibi possibiles interponet, et totis viribus ac posse faciet quod praefatum schisma de sancta Dei Ecclesia removeatur, ac radicitus extirpetur, et sancta mater Ecclesia tot elapsis retro temporibus ob praefatum schisma divisa et lacerata ad unitatem toti orbi necessariam reducatur, et quod circa praedicta expedienda et ab ipso plenarie adimplenda, et effectualiter et sollicite executioni debitae demandanda cordialiter et posse tenus attendet, nihil de necessariis et utilibus, et quomodolibet opportunis penitus omittendo, etiam usque ad renunciationem seu cessionem per eum fiendam inclusive, si fuerit expediens ad executionem supradictorum: quodque quilibet eorum de per se ac etiam collegialiter sollicitabunt, curabunt, ac operas sibi possibiles dabunt et interponent omni modo, via, et forma quibus melius et efficacius potuerunt.

Et quod ille ex eis qui sic electus erit, si per eum ad assumptionem novorum cardinalium procedi contingat, ab his quos cardinales assumet, similem promissionem et obligationem exiget seu exigi faciet nomine suo et dictae Ecclesiae et dictorum dominorum cum juramenti interpositione et aliis clausulis necessariis et opportunis; ac etiam quod si contigerit in summum pontificem per eos aliquem de collegio eligi, tamen absentem vel extra collegium, ipsi universaliter et singuli, et singulariter universi procurabunt, et curabunt totis viribus et posse, et operas efficaces eis et cuilibet eorum possibiles interponent; et omni modo, via, et forma, quibus melius et efficacius poterunt, illum inducent, quod ipse qui sic electus erit omnia et singula supradicta et quodlibet praedictorum attendet, faciet et adimplebit, et effectualiter modo praedicto executioni demandabit; quodque statim post ejus electionem procurabunt, et illum inducent ad similem promissionem et obligationem simili modo faciendam.

Item, quod post electionem per eos factam ipsi universaliter singuli et singulariter universi tam singulariter quam etiam collegialiter sollicitabunt, curabunt et operas eis et cuilibet eorum possibiles dabunt cum praefato qui sic per eos electus fuerit, quod ipse ad praemissa sollicitus erit, et illa et quodlibet ipsorum executioni praefatae plenarie demandabit: quodque ipsi et quilibet ipsorum nihil in praedictis omittent, sed omnia facient quae in praedictis et circa praedicta, et ad ipsorum et cujuslibet ipsorum executionem fuerint utilia, necessaria, et quomodolibet opportuna, quacumque occasione seu quovis quaesito colore cessantibus, juxta eorum et cujuslibet ipsorum possibilitatem. Insuper praefati reverendissimi domini volentes ipsi et quilibet eorum ad omnia et singula supradicta esse plene et effectualiter tam Deo quam sibi ad invicem cum majori efficacia obligati, singulariter juraverunt ad sancta Dei evangelia, corporaliter manu tactis sacrosanctis evangeliis coram eorum reverentia existentibus, quod omnia et singula supradicta et infra scripta attendent, facient, curabunt, sollicitabunt, et effectualiter procurabunt, et totis posse et viribus adimplebunt, et executioni plenarie demandabunt, omni quaesito colore et quacumque occasione cessantibus; quodque a praemissis promissione, voto, et obligatione, ac juramenti praestatione, et ejus observatione, et omnibus et singulis sub praedictis contentis nullus eorum absolutionem petet seu impetrabit, et sibi concessam nullatenus acceptabit, nec data potestate per ipsummet a praedictorum observatione se faciet absolvi, nec secum etiam dispensari, sed olet perpetuo praefato vinculo remanere obligatus: quodque quicumque ex eis forte in summum pontificem futurum electus fuerit, a praedictis promissione, voto, et obligatione, ac juramenti praestatione et observatione, et omnibus et singulis sub praedictis contentis nullum absolvet. Et fide collegio cardinalium absens vel extra collegium aliquis electus fuerit, modis praedictis procurabunt, quod nullum absolvat a praemissis nec aliquo illorum.

Volentes quod se ad omnia et singula supradicta obligatos reputent coram Deo et hominibus, voluerutn et mandaverunt nobis notariis infra saciptis, et cuilibet nostrum singulariter, videlicet Johannello de Risis de Neapoli, clerico praefatae capellae, Bartholomaeo Francisci della Capra de Cremona, Baranto Philippi de Pistorio, et Stephano Jerli de Prato, litterarum apostolicarum scriptoribus de omnibus et singulis supradictis instrumentum publicum, et instrumenta publica quotquot fuerint per collegium vel aliquem dominorum de collegio praesentium et futurorum requisita confici et publicari.

Quae instrumenta ipsi domini cardinales, et quilibet ipsorum per subscriptionem manus propriae solemniter vallaverunt et conficienda vallare promiserunt. Acutm Romae apud S. Petrum in palatio et capella praedictis; anno, mense, die, et indictione quibus supra, praesentibus ibidem reverendis patribus et dominis Briardo de Castellione electo Placentino, magnifico milite domino Carolo de Brancasiis de Neapoli, venerando patre domino Nicolao abbate monasterii S. Mariae de Scoffecis, egregio milite legumque doctore domino Petro Paulo de Benefiliis de Ancona, Francisco de Duce de Neapoli clerico camerae apostolicae, Fenlo Pisicollo de Neapoli litterarum apostolicarum scriptore, Johannello Caracolo canonico Neapolitano, necnon venerabili decretorum docotre domino Angelo de Ballionibus de Perusio, priore S. Donati de Jernia, etstibus ad praemissa vocatis specialiter et rogatis.

Et ego, Johannellus de Risis de Neapoli, clericus praefatus capellae litterarum apostolicarum scriptor et abbreviator, ac publicus auctoritate apostolica notarius, quod praemissis omnibus et singulis dum sic, ut praemittitur, per praefatos reverendissimos dominos cardinales agerentur, et fierent una cum suprascriptis notariis et testibus praesens interfui, eaque fieri vidi et audivi. Ideo hoc praesens publicum instrumentum, etc.

Et ego, Bartholomaeus della Capra notarius supranominatus quod praemissis, etc.

Et ego Baranot notarius suprascriptus, etc.

Et ego, Stephanus de Parto notarius supradictus, etc.

---