Luke Wadding, OFM (editor), Annales Minorum   editio secunda (J. M. Fonseca) Tomus Quartus (Romae 1732) , pp. 295-296:

Miseratione divina Episcopi Presbyteri et Diaconi sacrosanctae Romanae Ecclesiae Cardinales: Venerabili Fratri, Rodulpho Episcopo Albanensi Apostolicae Sedis Legato salutem in Domino.

Gustato frequenter amaritudinis calice super dilatatis oppressionibus Terrae Sanctae, quam sauciat et lacerat manus Agarenorum impia, madefieri semper avida sanguine Christiano, ejus deploramus angustias, et per affectum compassionis intimae secum sui doloris tormenta patimur. Dolemus itaque et incolarum ipsius terrae cruciatu continuo, quibus vix defensionis tutela relinquitur, seu quietis remedium indulgetur. Sed potissime circa opprobrium Redemptoris officimur, cujus haereditatem nationes perversae diripiunt, diris affligunt molestiis, et hostili feritate conculeant. Talibus quidem Romana Ecclesia mater diutius ibidem vexata molestiis, sollicitudinibus anxia, et studiis operosa, pro juvanda praedicta terra labores subiit varios, et quantum sibi extitit ex alto permissum, manus et mentem ab ejus auxilio non retraxit. Specialiter autem modernis temporibus fel. rec. Dominus Clemens Papa IV., qui prosequi negotium ipsum efficaciter intendebat, primo venerabili fratri nostro Simoni tituli sanctae Caeciliae Presybtero Cardinali, etiam in Regno Franciae Apostolicae Sedis Legato, nonnulla, quae ipsi negotio erant opportuna, commisit, et postmodum vos ad partes Galliae, ob felicem promotionem ipsius negotii cum plenae Legationis officio definavit: committens vobis nihilominus (habita super hoc deliberatione solemni cum Fratribus suis, eorumque intellectis in hac parte consiliis) idem Legationis officium in partibus Transmarinis: vosque de suis manibus Crucis recepto signaculo, prosecuturi, commissum vobis officium in Franciam processistis.

Cum autem appropinquet tempus passagii generalis et Legati praesentia sit in eisdem partibus multipliciter opportuna, maxime ut Christianus exercitus, prout in tam arduo negotio convenit, et alias fieri consuevit, spiritualibus praesidiis adjuvetur; expedit ut Legationis officium in dictis partibus Transmarinis, juxta datam vobis a Deo gratiam, exequi valeatis. Decentius enim et expeditius esse conspicimus, quod per vos prosecutionem recipiat partium earumdem Legatio, cui sicut praemittitur, semel extitit jam commissa, quam si de novo per nos alii committatur; et ne apud aliquos revocetur in dubium, an pro eo quod vivente memorato summo Pontifice, non fuistis terminos Legationis partium praedictarum ingressi, nec de commissione Legationis ipsius habuistis ab eadem sede litteras speciales, seu alio qualibet ratione dictum officium expirarit, vel quod apud vos non resideat ipsum exercendi potestas: Nos in tantae necessitatis articulo, ac populo Christiano auxiliis, desideriis, promptisque conatibus intendentes subvenire salubriter quantum possumus et debemus, non derogando in aliquo commissioni praedictae jam, ut supra exprimitur, per eumdem summum Pontificem vobis factae sed omnem in iis materiam dubitationis, et scrupulum a fidelium mentibus amputare, prout expedit, affectando ad plenam vestrae potestatis evidentiam, praesertim cum ad praesens eadem side vacante, alius non superit qui valeat in hujusmodi articulo, prout ipsius exigit necessitas, providere; vobis in dictis partibus Transmarinis plenam Legationem, ut evellatis et destruatis, disipetis et disperdatis, aedificetis et planetis, sicut videbitis expedire, auctoritate praesentium duximus committendam: Fraternitatem vestram rogantes, hortantes, et obsecrantes in Domino Jesu Christo, quatenus onus praedictum fiducialiter humeris vestris impositum ad laudem divini nominis, augmentum Catholicae fidei, salutem vestram, et praedictae etrrae, ac aliorum Christi fidelium, qui se illius terrae constituerunt, et constituunt defensores, suscipientes humiliter illud constanti animo, et benigna patientia, prout vobis ex Legationis officio competit, prosequi studeatis. Speramus enim in illo, cujus auxiliatrix dextera clementer adest agentibus causam ejus, quod ipse, qui personam vestram providentiae munere, scientiarum magnitudine, circumspectionis et industriae gratia, multisque virtutibus consignivit, praedictis humeris vestris fortitudinis robur adjiciet, virtutem misericorditer faciendo vobiscum, ut praefatum negotium, quod as dusm prosequimini gloriam, felecitatis potatae suscipiat incrementa etc.

 

---

ex formul. Ebulen. Lib. 1.

The Cardinals certainly had available the drafting skills of Enrico de' Bartholomei ["Hostiensis"], the author of the standard edition of the Code of Canon Law at the time.