Augustinus Theiner (Editor), Caesaris S. R. E. Cardinalis Baronii, Od. Raynaldi et Jac. Laderchii Annales Ecclesiastici   Tomus Vigesimus Primus 1229-1256 (Barri-Ducis: Ludovicus Guerin 1870), pp. 245-246, no. 58:

Sanctissimo patri et domino Gregorio, Dei gratia sacrosanctae Rom. Ecclesiae summo Pontifici,  I(ohannes Bossan) Arelatensis et Petrus de Albalate, O.Cist.). Terraconensis archiepiscopi, N(unius) Astoricensis, L(aurentius) Auriensis, M(artinus) Salamantinensis, P(etrus Salvador). Portugalensis, et E(gidius, O.Cist.) Placentinus episcopi pedum oscula beatorum.

Dolendus referimus, et referendo nimium condolemus, quod cum nos et venerabiles in Christo patres (Petrus de Collemedio) Rothomagensis, (Geraldus de Malemort) Burdegalensis, (Amanevus de Grisinhac) Auxitanus, (Godefridus ) Bisuntinus archiepiscopi, (Clarinus) Carcassonensis, (Bertrandus de S. Justo) Agathensis, (Arnaldus) Neumasensis, (Petrus Busseto ?) Terdonensis, (Umbertus) Astensis, et (Rodobaldus Cipolla) Papiensis, episc(opi), et nobilis Romaeus, procurator et nuntius illustris comitis Provinciae, ac quamplures alii praelati, et procuratores nostrarum et aliarum dioecesum ac provinciarum, cum venerabilibus patribus atque dominis Jacobo episcopo Penestrino, Othone cardinali, et Gregorio de Romania Apostolicae Sedis legatis ad vestrae sanctitatis praesentiam in obedientia et devotione accedere juxta vestrarum continentiam litterarum, spretis, sive postpositis quibuslibet difficultatibus, terroribus, et periculis niteremur, die tertia mensis Maii navigium Pisanorum et Siculorum, et quorumdam aliorum de jurisdictione Friderici dicti imperatoris, et de mandato ejusdem nobis se opposuit ex adverso, qui nos tam potenter, et viriliter culpis nostris exigentibus expugnarunt, quod nobis exceptis, et Romaeo praefato, et domino Compostellano, qui apud Portum-Veneris Januensis dioecesis impeditus nondum venerat Januam, et quibusdam aliis praelatis, Bracharensi archiepiscopo videlicet et Aniciensi episcopo, et paucis aliis de procuratoribus et familiis praelatorum, quos de iniquorum manibus Jesu Christi misericordia liberavit, quibusdam etiam gladio et submersione peremptis, secum caeteros deduxerunt, sicut fertur et credimus, vinculis mancipatos.

Cum igitur mundus sit positus ultra quam excogitari valeat in maligno, et universalis Ecclesia in tribulatione maxima videatur, nisi Dominus nostri debeat extento brachio misereri, attendat vestra sanctitas et deliberet, qualiter sit in tantae necessitatis articulo procedendum, et nobis praecipiat quod sibi placuerit; quia adversitate aliqua non obstante, quae cum bonis votis objicitur dilectionis verae probatio, non reprobationis indicium esse debet, in omni constantia ac firmitate nos noverit permansuros. Et licet propter multa et gravia, quae hactenus in Deum et Ecclesiam sanctam commiserat, contra ipsum tyrannum esset asperius procedendum, ex atrocitate tanti facinoris audemus suggerere, quod contra eumdem ratione praevia juxta qualitatem criminis procedatur: sub ipsius enim imperio nunquam Ecclesia pace vel tranquillitate gauderet: praesertim cum principes iniversi exemplum et audaciam in hac parte reciperent ab eodem.  De potestate autem et civibus Januensibus vestrae sanctitati exponimus, quod quantum audivimus et cognovimus, fideliores et ferventiores in facto Ecclesiae se ostendent, quam se ostenderint usque modo.  

Dat. Januae, X. die Maii.

 

---

Arnaldus of Nîmes: The tombstone of the bishop records his viccissitudes [Gallia christiana VI (1739), 445-446]:  Anno Domini MCCXLII. obiit dom. A. quondam Nemausensis episcopus, qui sepultus fuit magna cum reverentia in ecclesia beatae Mariae Avellinae civitatis (quae dicitur in terra laboris) et postea aportatus fuit in ecclesiam Nemausensem.  Obiiit siquidem in civitate praedicta, in qua captivus detinebatur a Friderico (imperatore) . . . . .  . cui dedit comes Tolosanus.  He was one of the prelates who were captured and imprisoned by Frederick II.