Sede Vacante 1198

Henricus ab Huyssen (editor), Ioannis Dlugossi seu Longini Historiae Polonicae Libri XII (Lipsiae 1711), Liber VI, columns 575-576:

1197. Petrus tituli S. Mariae in via lata Diaconus Cardinalis Capuanus vulgariter nuncupatus, a Summo Pontifice Celestino tertio, Legatus de latere, ad reformandum Ecclesiam Polonicam destinatus, venit in Poloniam qui Cracoviensem civitatem ingressurus a Fulcone Cracoviensi Episcopo et omnium Ecclesiarum processione magno honore susceptus est, primam congregationem Cracoviae, alteram in Lubcza agens, deinde in Gnesnensem, Wratislaviensem, Plocensem, Posnaniensem, Wladiensem, Chelmensem et Lubunensem dioeceses se transferens, id praecipuum in Ecclesia reformanda sibi curae assumpserat, quatenus Presbyteri a mulieribus et concubinis abstinentes, continentem et castam, et quae laicos aedificare posset, ducerent vitam, cum plures ea tempestate Sacerdotes uxoribus, velut iure legitimo uterentur. Cuius usus corruptelam Cardinalis ipse furamo studio a Polonica eliminavit, et abrogavit Ecclesia, et Presbyteris uxores accipere, et tenere sub gravissimis poenis interdixit, Laicis vero quacunque excellentia pollentibus, connubis sua in facie Ecclesiae contrahere instituit. Et haec quidem salubris praefati Petri Cardinalis constituto, facile a Polonorum Clero, et ab universa Polonica Ecclesia accepta et accurata diligentia custodita, servataque est, a Bohemis tamen Cleroque Bohemico, apud quos Cardinalis ipse legationis etiam officio fungebatur, non sulum repudiata, sed parum abfuit quin Cardinalis ipse constitutionem ipsam ordines in Sabbato scientes celebraturus, promulgans et presbyteros ad castitatis votum compellens violaretur. In cuius occisionem Bohemici sacerdotes grassari Pragae ceperunt, nisi illorum improbos conatus Pragensis Henricus Ducalem tunc obtinens in Bohemia potestatem oppressisset. Non solum autem in his sed in pluribus aliis Cardinalis ipse praedictus Polonicam Ecclesiam Pontificibus et Clero benevolis se praebentibus ad singula reformavit.